Трагедија во Индија: Автобусот падна во река, најмалку 32 мртви

Најмалку 32 лица загинаа, а десет се повредени кога автобус падна во реката во Раџастан во Индија.

Несреќата се случила кога автобусот, во тек на престигнување, ја преминал заштитната ограда на мостот, изјави полицискиот службеник Б.Л. Сони.

Полицијата во моментов ја испитува причината за несреќата, и во овој момент не е јасно дали возачот на автобусот преживеал, ниту колку точно лица биле во автобусот кога се случила несреќата.

Повеќе од 110.000 луѓе годишно умираат во сообраќајни незгоди во Индија.