Тодоров: Во КПД-Штип нема најава за штрајк на осудените лица

Нема најава за штрајк и незадоволство од страна на осудените лица, изјави денеска директорот на Казнено поправниот дом (КПД) Затвор-Штип, Мики Тодоров.

Тој посочува  дека во КПД Затвор-Штип има добри услови за осудените лица

- Во Казнено поправниот дом Штип засега нема некоја најава од осудени лица, ниту усно, ниту писмено дека планираат да штрајкуваат, ниту до денес има некое осудено лице кое има најава за штрајк или штрајкува со глад. Во КПД- Штип условите се на позитивно ниво. Во изминатите години КПД Затвор Штип правевме различни активности и проекти со цел подобрување на условите за живот на затворениците, вели Тодоров.  

Според него, нема потреба за штрајк, затоа што, подвлекува, условите во затворот се добри.