Тешко повреден 19-годишник откако татко му го турнал по скали

Педесет и едногодишен жител на струмичко село е лишен од слобода откако бил пријавен дека физички го нападнал својот 19-годишен син и го турнал по скали.

Според МВР, нападот се случил на 1 август, на терасата од семејниот дом. При падот, 19-годишникот се здобил со тешки телесни повреди, кои биле констатирани во Медицинскиот центар во Струмица.

Полицијата го лишила од слобода 51-годишникот на 6 август во 16:40 часот и го задржала во Полициската станица Струмица.

За случајот бил известен јавен обвинител од Основното јавно обвинителство Струмица. По целосно документирање на настанот, против него ќе биде поднесена соодветна пријава, соопшти МВР.