Тешка сообраќајка: Татко и два сина повредени во несреќата на патот Гостивар-Кичево

На магистралниот пат Гостивар-Кичево, денес околу 12:20 часот на потегот помеѓу Мавровската крстосница и Сретково, патничко возило „Форд фокус“ со кичевски регистерски таблици, што го управувал 53-годишниот И.В. од кичевско загубило контрола, удрило во блиска карпа и се превртело на покрив.

Возачот, поради неприлагодена брзина загубил контрола, прво удрил во сообраќајниот знак, а по ударот во карпите се превртил и застанал на коловозната лента.

Две лица биле со полесни повреди, додека третото лице во критична состојба е пренесено во операциона сала.

Полицијата веднап излегла на местот на несреќата.