Телеграми со сочувство до Џафери по повод автобуската несреќа

Претседателот на Собранието на Република Северна Македонија, Талат Џафери, во текот на вчерашниот и денешниот ден прими писма на сочувство по повод автобуската несреќа од претседателот на Државниот Збор на Република Словенија, Дејан Жидан, од претседателот на Парламентот на Унгарија, Ласло Ковер и од амбасадорот на Република Косово, Ѓерѓ Дедај, информира собраниската прес-служба.

Сообраќајната несреќа се случи завчера на патот Скопје – Тетово. Загинаа 14 лица, а 37 беа повредени откако кај село Ласкарци се преврте автобус на компанијата „Дурмотурс“.