Телеграма со сочувство по повод смртта на на проф. Мирчев од ЕЦПД

Извршениот директор на Европскиот центар за мир и развој на Универзитетот за мир основан од Обединети нации (ЕЦПД), академик проф. др Негослав Остојиќ испрати телеграма со сочувство по повод смртта на проф. д-р Димитар Мирчев, до Кабинетот на Претседателот на Република Македонија.

- Длабоко не разжалости веста дека почина нашиот драг професор и пријател академик проф. д-р Димитар Мирчев. Европскиот центар за мир и развој на Универзитетот за мир основан од Обединети нации (ЕЦПД), меѓународна образовна и научно истражувачка организација од академскиот систем на ОН ја има честа што долга низа години академик Мирчев на најдобар начин, креативно и посветено, исклучително значајно учествуваше во неговите програми. Придонесот на академик Мирчев во развојот на ЕЦПД е драгоцен и непроценлив, бидејќи со својот интелект и посветениот однос значајно ја збогати дејноста на ЕЦПД. Во овој тежок момент во име на Европскиот центар за мир и развој на Универзитетот за мир основан од Обединети нации и во свое име Ви упатувам најдлабоко сочувство во тагата. Ваша гордост останува сето она што академик Мирчев го направи во својот богат животен и творечки опус, севели во телеграмата со сочувство.

Нам, во ЕЦПД, се додава во телеграмата, ни останува во трајно сеќавање како голем научник, благороден и драг човек и вистински пријател.