Текстилците се жалат за минималната плата, најавуваат отпуштања
Над 5.000 луѓе може да останат без работа поради воведувањето на минималната плата и одлуката на Уставниот суд да го укине нормираниот учинок, а некои компании, од кои дел странски инвеститори, веќе си одат од земјава, предупредуваат текстилците.
Тие денеска на прес-конференција во Стопанската комора на Македонија уште еднаш побараа предвидените 50 отсто од придонесите што треба да им бидат исплатени на трудоинтензивните дејности, да се пренасочат директно кон работниците.
- Не ни треба поддршка за минималната, туку за повисоките плати, за да ги стимулираме работниците и да ја зголемиме продуктивноста, истакна претседателот на Кластерот за текстил, Марјана Перковска.
Според неа, Владата мора да ги забрза реформите во економијата. Многу време троши на прашањето за името и на други политички проблеми.
Текстилците се пожалија и дека по воведувањето на минималната плата практично станале социјални претпријатија. Доведени се во ситуација да земаат кредит за да обезбедат плати.
- Околу 80 отсто од вкупниот приход на текстилните компании оди за плати што е премногу. Минималната плата е неодржлива во секоја смисла, по однос на продуктивноста, техничката подготвеност, конкурентноста, потенцира Перковска.
Претседателот на Организацијата на работодавачи Ангел Димитров, рече дека производството на облека во периодот јануари-април 2018 е намалено за четири отсто во споредба со истиот период лани, а производството на кожа за 6,3 проценти.
- Продолжува намалувањето на производството поради намалувањето на бројот на работниците, посочи Димитров.
Во текстилната индустрија работат 35.000 лица или вкупно 40.000 заедно со кожарството.
Ново на Сител
-
ЦУК: Изминатото деноноќие три активни пожари
-
При претрес во Струмица пронајден е хашиш
-
Приведен кавадарчанец кој возел со 1.74 промили алкохол во крвта
-
Повторно достапни закажувањата за термин за нова лична карта, возачка дозвола и пасош
-
Лавров: Учеството на севернокорејските војници во Курскиот регион го покажува непобедливото братство со Русија
-
Сиљановска-Давкова ќе се обрати и ќе го прогласи за отворено 65. „Охридско лето“
-
Русија во текот на ноќта жестоко ја нападна западна Украина со дронови и ракети
-
Работна посета на албанскиот претседател Бајрам Бегај во земјава