Театарот од Нови Сад со „Неопланта“ вечер на „Охридско лето“
Драмскиот дел од 55. фестивал „Охридско лето“ вечер ќе почне со гостување на Новосадско позориште со претставата „Неопланта“ од Ласло Вегел во режија на Андраш Урбан.
Според Вегел и Урбан, претставата е перманентна историја на нaционалните конфликти во кои поединци паѓаат и се вознесуваат, бараат вистина и се лажат, живеат и умираат, убиваат и се убиени, како незапирливи членови, родови и видови меѓу кои стои амбис.
Вегел пишува дека во ветената или проколнатата земја или Неопланта порано или подоцна мора да се соочиме со фактот дека ние сме одвоени и од најдобрите пријатели со бездна, која не може да се прескокне.
Режисерот Урбан е добитник на многу награди и признанија за најдобра режија и сценографија, меѓу кои се специјалните награди во Будимпешта во 2010 и во Скопје во 2011 година.
Годинашното „Охридско лето“ свечено беше отворено синоќа ма Античкиот театар со „Кармина Бурана“ од Карл Орф, во изведба на ансамблот „Ла фура делс Баус“ од Шпанија, во придружба на оркестарот на Македонската опера и балет и Македонската филхармонија, под диригентство на Хозеп Висент.
Ново на Сител
-
Тешка сообраќајка во Прилеп: Се судриле камион и мопед, возачот на камионот избегал
-
Нова авиолинија Скопје-Рига-Скопје
-
Кривична пријава против две лица, расчистени 4 кривични дела, одреден притвор
-
За изборите на 8 мај акредитирани 1078 домашни и 770 странски набљудувачи
-
Киднапиран, избоден и претепан скопјанец – Еден од напаѓачите негов колега
-
ЦУК: Пронајден е изгубен планинар на Плачковица
-
Земјотрес регистиран во Скопје
-
Велика Сабота - денот меѓу смртта и воскресението