„Театар Комедија“ ќе промовира книга „Комедии“ од Венко Андоновски
„Театар Комедија“ вечер ќе ја промовира книгата „Комедии" од Венко Андоновски - прва во едицијата „Комедии" со која театарот ја почнува својата издавачка дејност.
- „Комедии“ е збирка на комедиите на еден од најпопуларните писатели на македонската литературна сцена. Овие верзии се сценските изведби на текстовите „За секого има по една" во режија на Владлен Александров и „Господарот на кукавицата" во режија на Андреј Цветановски, и двете праизведби на репертоарот на „Театар Комедија“, информира националната установа.
Досега театарот има поставено шест праизведби на својот репертоар како дел од политиката за зајакнување на националната драматургија, со цел создавање фонд на македонски современи комедии и формирање своја едиција за издавање на македонските комедии поставени во „Театар Комедија“.
На промоцијата на книгата ќе се обратат Јелена Жугиќ - директор на „Театар Комедија“, Лилјана Мазова - приредувач и промотор на книгата, и авторот - Венко Андоновски.
- По промоцијата публиката ќе има можност да ја купи книгата по промотивна цена и да добие оригинална посвета од авторот, а од 20 часот ќе може да се присуствува на претставата „Господарот на кукавицата" која имаше премиера на 14 декември 2015 година, соопшти „Театар Комедија“.
Ново на Сител
-
Косовското МНР потврди дека на директорот на српската Канцеларија за Косово му е забранет влезот во Косово за Велигден
-
За Велигден претежно сончево и потопло време
-
Тепачка во Чаир - 5 лица повредени
-
Индонезија трајно ќе пресели 10.000 луѓе по серијата ерупции на вулканот Руанг
-
Полицијата ги растера пропалестинските активисти од зградата на универзитетот во Париз
-
Кривична пријава за злоупотреба на постапка за јавен повик и несовесно работење во службата
-
НАТО ги осуди кибер нападите насочени против демократските институции, безбедноста и слободното општество
-
Канцеларија за Косово на Србија: На Петковиќ му е забранет влез во Косово за Велигден