Татко и син убиени во лов во Норвешка, напаѓачот уапсен

Татко и син утрово се застрелани, а трето лице се здоби со тешки повреди опасни по живот во шумска област во близина на норвешкиот град Халден, објави новинската агенција НТВ.

Жртвите, пренесува ДПА, се маж на возраст од седумдесетина години и неговиот син на возраст од четириесеттите години, а двајцата наводно биле дел од група ловци.

Полицијата на самото место уапсила маж на возраст до доцни дваесетти години, кој е обвинет за убиствата, пренесува германската агенција.

Според полицијата, осомничениот не бил дел од групата ловци, пренесе норвешката агенција.

Напаѓачот наводно бил совладан од сведоците на настанот, кои го задржале до пристигнувањето на полициските службеници, пренесува ДПА.

МИА