Тајван спроведува артилериски вежби
Тајван денеска почна со спроведување на претходно најавените артилериски вежби во услови на тековни воени вежби на Кина во близина на островот, јави ДПА.
Артилериските вежби беа најавени на крајот на јули, а целта им е да симулираат одбрана од евентуален напад на кинеските вооружени сили. Вежбите на Тајван, кои се дел од годишните вежби на Тајван, ќе продолжат денеска, утре и задутре. Нивното одржување е придружено со зголемени тензии во регионот, при што Кина соопшти дека ќе продолжи со вежбите што ги спроведува на север, југозапад и исток од Тајван. Кинеските вооружени сили првично најавија дека нивните вежби ќе завршат во недела.
Датумот на кој ќе завршат засега не е објавен. Министерството за надворешни работи на Тајван ја критикуваше одлуката на Кина да ги продолжи своите воени вежби во близина на Тајван. -Кина ги користи своите воени вежби во близина на Тајван за да се подготви за инвазија на островот, изјави денеска тајванскиот министер за надворешни работи Џозеф Ву.
Според тајванскиот министер, Пекинг има за цел да го промени статус квото во азиско-пацифичкиот регион.
-Кина ги користи своите вежби и воената патоказ за да се подготви за инвазијата врз Тајван… Вистинската цел на Кина е да го промени статусот кво во Тајванскиот теснец и во целиот регион, рече Џозеф Ву на прес-конференција во Тајпеј.
Ново на Сител
-
Австриска министерка за надворешни работи: Путин губи време, Русија ќе биде преплавена со ковчези
-
Откако Израел прогласи „тактичка пауза“, пристигнаа 100 камиони со помош во Газа
-
Алиу: 205 милиони евра за болници кои инспирираат доверба, а не страв
-
Мицкоски: Пустец е доказ дека припадноста не се брише, дека коренот останува, дури и кога над него дуваат силни ветрови
-
До 18 часот вкупно 29 пожари на отворен простор, од нив 14 активни
-
Три жени осомничени за полови дејствија со деца и детска порнографија во гостиварско
-
Мајка и ќерка повредени кога нивното возило излетало и застанало на пругата кај Стар Мост во Велес
-
Ангелов: До 13:30 часот се евидентирани 16 пожари на отворен простор, од нив осум се активни