Тачи добил целосна поддршка од Трамп за договорот со Србија
– Косовскиот претседател Хашим Тачи објави денеска дека синоќа во Париз се сретнал со американскиот претседател Доналд Трамп и дека тој изразил целосна поддршка за постигнувањето договор меѓу Косово и Србија, јави дописникот на МИА од Приштина.
Косовските медиуми забележуваат дека во објавата на Тачи на Твитер со ниеден збор не се споменува неговата заложба за „корекција на границата“ со Србија, за што претходно тврдеше дека ја има поддршката на Вашингтон.
– Синоќа имав мошне добра средба со американскиот претседател Доналд Трамп. Тој изрази 100% поддршка за законски обврзувачки договор меѓу Косово и Србија. Благодарен сум за неговата и поддршката на САД, напиша Тачи.
Косовскиот претседател, заедно со други светски лидери, во Париз учествува на церемонијата по повод 100-годишнината од потпишувањето на договорот за примирје меѓу сојузничките сили и Германија, со кој се стави крај на Првата светска војна.
Ново на Сител
-
НБРМ со надолна корекција на растот на македонската економија
-
Петто 4х4 рели во Крушево
-
Преглед на вестите од светот
-
Тема на денот со Лилјана Поповска
-
Гордана Силјановска Давкова положи заклетва во Парламентот и ја презеде функцијата претседател
-
Гордана Силјановска Давкова положи заклетва во Парламентот и ја презеде функцијата претседател
-
Ни Северна, ниту Република: Силјановска се заколна во Македонија - стигнаа реакциите
-
Борисов: Мицкоски ми е добар пријател, го повикувам да престане да зборува, изборите поминаа