СЗО: Терапијата со плазма е експериментална, потребни се уште докази
Светската здравствена организација соопшти дека употребата на плазма од страна на пациенти излекувани од Ковид-19 сè уште се смета за „експериментална терапија“ и дека прелиминарните резултати што укажуваат на нејзината можна ефикасност сè уште не се „убедливи“.
Сума Сваминатан од СЗО изјави дека конвалесцентната плазма се користела како терапија за голем број заразни болести во текот на изминатиот век, со различен степен на успех.
– СЗО сè уште смета дека третманот со конвалесцентната плазма е експериментален, рече Сваминатан, додавајќи дека треба и натаму да се следи и проценува.
Покрај тоа, таа вели дека терапијата со плазма е тешко да се стандардизира, со оглед на тоа што луѓето произведуваат различни нивоа на антитела и дека плазмата мора да се собира индивидуално од излекуваните пациенти.
Според Сваминатан, истражувањата се од мал обем и не обезбедиле квалитетни докази кога станува збор за овој вид на лекување.
Таа истакна дека државите можат да ја користат оваа форма на терапија за лекување на итни случаи, доколку сметаат дека придобивките ги надминуваат ризиците.
Од СЗО напоменуваат дека терапијата со конвалесцентна плазма има голем број несакани ефекти, од блага треска и температура до многу сериозни проблеми со белите дробови.
Ново на Сител
-
Мицкоски: Очекувам ДУИ да оди во опозиција, немаме ни елементарна доверба за соработка со нив
-
Ново бебе алпака во скопската Зоолошка градина
-
Вучиќ: Една третина од новата српска влада ќе биде составена од нови луѓе
-
Осигурителните компании не ја почитуваат препораката на Финансии, полисите и денеска по повисоки цени
-
Следува период на променливо време со повремени локални врнежи од дожд
-
РКЕ: Само 2,75 отсто од струјата е од увоз, на праг сме до енергетски независна држава
-
Мајката на починатата студентка од Кавадарци во Штип лани измасакрирала и запалила човек
-
Судир на два автомобили и камион со приколка на автопатот „Пријателство“, тешко повредено едно лице