СЗО: Пандемијата е далеку од помината, ОН: Постои ризик за радикализација на децата на интернет
Генералниот директор на Светската здравствена организација (СЗО) Тедрос Аданом Гебрејесус денеска предупреди дека пандемијата на новиот коронавирус не е помината и дека е „длабоко загрижен“ заради нарушување на нормалните здравствени услуги, особено за децата.
– Пандемијата не е помината, рече Тедрос, додавајќи дека СЗО се наоѓа во опасност од зголемување на стапката на зараза во Африка, Источна Европа, Јужна Америка и некои азиски земји.
– Имаме многу долг пат пред нас и треба да завршиме уште многу работа, додаде тој.
Шефот на СЗО додаде дека има извештаи за недостаток на вакцини за други заболувања во 21 држави, како резултат на ограничувања поврзани со пандемијата.
Гебрејесус истакна дека светот треба да го послуша внимателно СЗО затоа што организацијата соопшти 30 јануари за вонредна здравствена состојба поради новиот коронавирус. Во тоа време, надвор од Кина, имаше 82 случаи на инфекција, и ниту еден смртен случај.
Од своја страна, генералниот секретар на ОН, Антонио Гутереш, објави дека повеќе од 1,5 милијарди деца ширум светот не одат на училишта и поминуваат многу време на интернет заради пандемијата со новиот коронавирус, со што се зголемува ризикот да бидат регрутирани од екстремистички групи. Тој истакна дека „младите се соочувале со огромни тешкотии“ пред пандемијата, но сега ситуацијата значително се влошила.
Ново на Сител
-
Израелската полиција изврши рација во Ал Џезира во Ерусалим, одзеде опрема
-
Костадиновска-Стојчевска: Македонскиот јазик е нашиот национален белег и најважниот симбол на културниот идентитет
-
Косовската полиција уапси 4-ца македонски државјани меѓу кои и кондовецот Агим Красниќи
-
Макрон го повика Нетанјаху успешно да ги заврши преговорите со Хамас
-
Димитровска: ДКСК оформи 45 предмети поврзани со изборите
-
14-годишна малолетничка од Петровец избегала од дома
-
Малолетник пријавен за насилство врз неговата мајка и брат
-
Бројот на загинати во поплавите во Кенија се искачи на 228