Светско првенство во киксбокс: Бабовски победи, Смилевски загуби, Илковски се повреди

Македонските кикбоксери денеска ги продолжија настапите на Светското првенство во Лидо ди Јесоло, Италија, со една победа и неколку порази.

Калин Бабовски забележа победа и го продолжува својот настап на шампионатот, додека Андреј Смилевски ја загуби својата борба во неизвесен меч.

Претседателот на Кикбокс Маитаи федерацијата на Македонија, Дејан Митровски – Урко, оцени дека Смилевски загубил поради недостиг на искуство, а не поради недоволна подготвеност.

Драматичен беше настапот на Петар Илковски, кому во втората рунда му се изместило рамото. Според Митровски, лекарите го изнеле од рингот за да му го наместат рамото, по што автоматски ја загубил борбата.

„Требаше рамото да му биде наместено во рингот, но лекарите инсистираа тоа да се направи надвор од рингот. Штета, борбата беше негова и сметам дека имаше големи шанси за победа“, изјави Митровски.

Своите борби ги загубија и Иван Кукуновски, Андријано Димишковски, Туркер Исмаил и Милан Нешевски.

Македонската репрезентација ги продолжува настапите на Светското првенство со цел да обезбеди што повеќе пласмани во завршните борби.