Светот има право да се плаши од вештачката интелигенција, изјави директорот на OpenAI

Директорот на американската компанија OpenAI, Сем Алтман, изјави дека светот има „право да се плаши“, но дека „треба да им верува“ на компаниите за вештачка интелигенција (ВИ) дека „ќе го направат вистинското нешто“ кога станува збор за безбедноста и развојот на ВИ.

„Светот треба да верува дека ние ќе го направиме вистинското нешто, бидејќи тоа е вистинското нешто и ја чувствуваме големината на ова“, рече Алтман на конференција во Сан Франциско организирана од софтверската фирма Salesforce, јави Би-Би-Си.

Тој рече дека луѓето имаат оправдан страв од вештачката интелигенција, бидејќи можностите на алатката се развиваат брзо.

„Не ни треба толку имагинација како порано за да замислиме како ова може да тргне наопаку. Мислам дека светот има право да се плаши од ова“, рече Алтман.

Тоа е првото јавно обраќање на Алтман откако објавата на истражувач кој ја напушти фирмата за вештачка интелигенција Anthropic стана вирална минатата недела, во која се наведува дека ВИ може да ги убие сите луѓе до крајот на деценијата ако не се контролира. Неколку други раководители и експерти за вештачка интелигенција одговорија дека се согласуваат со таа проценка. 

МИА