Стејт департмент: Северна Кореја повторно произведува плутониум
Северна Кореја повторно започна со производство на плутониумско гориво, соопшти неименуван висок претставник на американскиот Стејт департмент за американските медиуми.
Како што пренесува Танјуг, тоа покажува дека Пјонгјанг планира да продолжи со својата програма за развој на нуклеарното вооружување, пркосејќи на меѓународните санкции.
Тврдењето од Вашингтон пристигна еден ден откако Меѓународната агенција за атомска енергија објави дека има „индикации“ дека властите во Пјонгјанг ја реактивирале исталацијата за вадење на плутониум од потрошеното гориво во Јонгбјону, главниот севернокорејски нуклеарни комплекс.
Последните случувања укажуваат дека Северна Кореја сака да обезбеди сигурно снабдување на материјали за боеви глави, прекршувајќи ги меѓународните санкции кои следеа по четвртиот нуклеарен тест годинава.
Американскиот претставник, кој инсистираше на анонимност, истакна дека Вашингтон е загрижен поради новите напори на Северна Кореја за повторно производство на плутониум, но не објасни каква ќе биде реакцијата на САД.
Ново на Сител
-
Брнабиќ: Во следните 48 часа ќе има седница на која Вучевиќ ќе предложи министри за новата влада
-
Две лица се повредени во пожар во фабрика за ракетни погонски системи во близина на Белград
-
Кина испрати воени авиони кон Тајван откако американскиот државен секретар го напушти Пекинг
-
Мотоциклист излетал од патот и удрил во паркирано возило
-
Милановиќ: Хрватска е дното на ЕУ, Бугарија е единствено полоша
-
Судење на Трамп: Издавач на таблоид призна дека ја „закопал“ приказната за аферата со моделот на Плејбој
-
Гир: Првиот круг од изборите мина генерално мирно и демократски
-
Пронајдено е 76-годишното лице во кавадаречко по кое се трагаше од вчера