Стефан Марковски добитник на награда на меѓународен поетски фестивал во Хрватска
Писателот Стефан Марковски за збирката раскази „Смртта долетува насмевната“ е добитник на наградата „Книжевно перо“ за книга на годината вон изданијата на Хрватското книжевно друштво.
Наградата ќе му биде врачена на овогодинешното 10. јубилејно издание на тридневниот поетски фестивал на Хрватското книжевно друштво „Денови на пријателите на книгата“ во Риека, што ќе се оддржи од 9 до 12 ноември, годинава, а на кој тој е единствениот македонски претставник.
Според фестивалската програма, на првиот ден (9.11) во 18:00 во просториите на Македонското културно друштво „Илинден“ е предвидена промоција на двете последнообјавени дела на младиот македонски автор пред хрватската публика - поетската збирка „Сиво сјаат вселените“ и збирката раскази „Смртта долетува насмевната“.
Обете книги на Марковски се неодамна наградени - поетската со наградата „Бели мугри“ за најдобар необјавен поетски ракопис за 2016, додека, збирката раскази со наградата „Крсте Чачански“ (2017).
Стефан Марковски (26) е автор на 10 објавени прозни, поетски и есеистички дела, како и неколку сценарија, и е актуелен уредник на првото македонско списание за литература „Современост“.
Фестивалот „Денови на пријателите на книгата“ се оддржува од 2007 година во организација на Хрватското книжевно друштво (ХКД) од Риека.
Покрај промоцијата на двете дела, предвиден е и поетски настап на Марковски со поезијата застапена во новиот број на „Книжевно перо“, книжевното списание во издание на ХКД.
Ново на Сител
-
Едно лице загина во невремето што попладнево ја погоди Србија
-
Осуденик од затворот во Идризово ноќеска починал на Комплекс клиники „Мајка Тереза“
-
Тони Крос стави крај на кариерата
-
МЗ: Хируршките сали во Клиничкиот центар се враќаат во употреба
-
ЦУК: Околу Качаничка Клисура и Скопска Црна Гора значително нестабилна облачна маса
-
Во Кочани измамена 75-годишна жена за сума од околу 4.000 евра
-
Определен 30-дневен притвор за врховниот судија Наке Георгиев
-
Драма на автобуска постојка во Центар: Неколку лица претепале и ограбиле четири малолетници