Стан изгоре во пожар, неколку лица побарале помош поради вдишан чад
Еден трособен стан целосно изгоре, а повеќе станари побарале медицинска помош поради вдишан чад во пожар што денеска околу 12 часот и 30 минути избувна во станбениот комплекс 87 на булеварот „Илинденска“ во Тетово.
Од оган беше зафатен стан на вториот кат од четиркатница, а чадот се раширил низ сите станови.
– Прво гледав да ја спасам фамилијата. Кога ги викавме пожарникари беа тука за пет минути, многу брзо дојдоа. За среќа нема повредени, можеби малку од чадот имаат вдишано, ама беа тука до брзата помош и се во ред. Зградат нема хидранти. Пола Тетово нема хидранти, изјави жител на зградата.
Територијалната противпожарникарска единица Тетово интервенираше со три возила и девет пожарникари.
– Освен што го изгасивме огнот, направивме и евакуација на дел од станарите. Чадот ги зафати сите станови, а поради огнот целосно е уништен еден стан од три соби на вториот кат. Спречивме да се прошири огнот во другите станови, изјави Ука Алити, командант на тетовските пожарникари.
Една жена е однесена со возило на Итната медицинска помош во болница за интервенција.
Ново на Сител
-
Уапсен поранешен помошник министер, поранешен декан и професор на Геодетскиот факултет во Хрватска
-
Палевски тврди дека власта го држи во Турција поради изборите
-
Белградски енергетски форум на 13 и 14 мај во Белград
-
Изречени 130 санкции за брзо возење на територија на државата
-
157 санкционирани возачи под дејство на алкохол
-
Фон дер Лајен најави една милијарда евра помош од ЕУ за Либан
-
Поранешниот лидер на Златна зора, осуден за водење криминална организација, ќе биде пуштен од затвор
-
Курти: Ги исполнивме сите барања на ЕУ за укинување на рестриктивните мерки