Српски медиуми: Даниел Кајмакоски киднапиран во Белград

Според српските медиуми, македонскиот пејач Даниел Кајмакоски синоќа околу 20 часот бил киднапиран во Белград.

Наводно, тој бил врзан и насила внесен во сопствениот автомобил. Киднаперите, за кои се претпоставува дека се странски државјани, побарале откуп во износ од 20.000 евра и со возилото се упатиле кон градот Рума.

Во Рума тие предизвикале сообраќајна несреќа, по што избегале од местото на настанот, додека Кајмакоски останал во автомобилот.

Се очекуваат официјални информации од српското МВР или изјава од самиот Кајмакоски за случениот инцидент.