Средба Пендаровски-Штиглиц на Светскиот економски форум во Давос
Светските економски текови, социо-економското закрепнување од пандемијата и новите предизвици со кои е соочена глобалната економија поради воената инвазија на Русија врз Украина, беа теми на денешната средба на претседателот Стево Пендаровски и Џозеф Штиглиц, професор на Универзитетот Колумбија во САД и добитник на Нобелова награда за економија.
Како што информира Кабинетот на претседателот Пендаровски, средбата е во рамки на Годишниот состанок на Светскиот економски форум што се одржува во швајцарскиот град Давос.
Соговорниците, како што се наведува во соопштението, разменија мислења за можните исходи од кризата во глобалната економија, порастот на стапката на инфлацијата и ценовните притисоци, макроекономските импликации на светско ниво, во европската економија и кај нас, како и за влијанието врз политиката.
Претседателот Пендаровски ја поздрави Иницијативата за политички дијалог, што ја предводи Штиглиц, а чија цел е да им помага на земјите во развој да ги истражат алтернативите на економската политика и да овозможат пошироко граѓанско учество во креирањето на економските политики.
Ново на Сител
-
Голем пожар во Карпош, зафатени повеќе куќи
-
11-годишно дете се бори за живот по тешка сообраќајка на патот Прилеп–Градско
-
ЦУК: Активни осум пожари, 12 изгаснати, еден ставен под контрола
-
На „Табановце“ и „Богородица“ се чека околу еден час
-
Сиљановска-Давкова: „Галичка свадба“ ја отсликува македонската народна традиција и култура
-
Мицкоски: Автопатот кон Охрид со години беше симбол на застој- сега ќе биде симбол на успех и одговорна работа
-
Убиецот ги поканил роднините на гости, инсистирал да присуствува и детето - Расчистено е тројното убиство
-
Мицкоски присуствуваше на епископската хиротонија на архимандритот Георгиј