Средба на австралиската амбасадорка Фини и македонскиот почесен конзул Ќосески

Развојот на македонско-австралиските трговски и деловни односи, со посебен акцент на Република Македонија како атрактивна бизнис и инвестициска дестинација во Европа, беа тема на средбата на австралиската амбасадорка акредитирана за Македонија Џулија Фини и македонскиот почесен конзул Зоран Ќосески.

На средбата, како што јави дописникот на МИА, заеднички е констатирано дека досегашниот пример на инвестиции и бизнис контакти на западноавстралиските фирми со македонското стопанство е добар почеток за натамошен развој и влегување поголем австралиски капитал во Македонија.

За новите начини на унапредувањето на македонско-австралиските деловни односи се разговараше и на средбата на амбасадорката Фини со директорите на австралиската рударска фирма „Пела Глобал Ресурсес“ кои најавија свој влез во македонското стопанство.

На средбата станало збор и за културниот развој на македонската заедница во Австралија.