Србинот им е „ноќна мора“!

Дури од авион се забележува дека фановите на Роже Федерер и Енди Мари „страдаат“ што Ѓоковиќ  убедливо ги надмина во годината која е веќе зад нас. До ден на ден се почести се прегрупирањата во камповите на Федерер, Надал, Мареј.... со цел да се „запре“ најдобриот светски тенисер во својата доминација....

Последната изјава доаѓа од легендарниот Џон Мекинро кој го советува Мареј како да се подготви за следната сезона и да верува дека може да го победи Ѓоковиќ.

Седумкратниот освојувач на Грен слем трофеи го охрабрува Мареј да го искористи успехот во Дејвис купот и да се фокусира уште на првиот турнир во Австралија. Според него Ѓоковиќ нема да може да игра постојано на високо ниво и тука е шансата на Британецот кој пред се ќе мора да го поправи својот сервис но и да поработи на менталната кондиција.

„Убавината во спортот е што работите некогаш многу брзо се менуваат, затоа следната година би можела да биде негова“- смета Мекинро.