Србија ќе гради најголем ветропарк на територијата на Западен Балкан
Србија до крајот на следната година ќе изгради ветропарк, кој ќе биде најголемиот комерцијален проект од областа на обновливата енергија во земјата и на територијата на Западен Балкан, соопшти кабинетот на српскиот претседател Александар Вучиќ.
Ветропаркот ќе се гради во местото Чибук, во близина на Ковин во Банат, на површина од 37 квадратни километри, со сила од 158 мегавати и со 57 турбини кои ќе произведуваат до 457 гигават-часови електрична енергија на годишно ниво.
На овој начин, 113.000 домаќинства ќе добијат електрична енергија од обновливи извори, со што ќе се намалат емисиите на јаглероден диоксид за повеќе од 370.000 тони годишно. Изградбата на ветропаркот Чибук 1 ќе придонесе за отворање на 400 работни места, како и изградба на 50 километри нови патишта.
Вучиќ присуствуваше на денешното потпишувањето на кредитна линија за изградба на ветропаркот меѓу компанијата Ветроелектрани Балкан ДОО Белград, Меѓународната финансиска корпорација (ИФЦ) и Европската банка за обнова и развој (ЕБОР).
Ново на Сител
-
Автобус падна во длабока провалија во Пакистан, најмалку 20 загинати и 21 повреден
-
СПМ: Гласањето на 8 мај е пресудно за иднината на државата
-
Приведени двајца дилери од Кичево
-
Приведена 50-годишна жена за кражба во продавница во Гостивар
-
Вархеји му честиташе на Вучевиќ: Се радувам на соработката за пристапување на Србија во ЕУ
-
Белград: Годишнина од масовното убиство во „Рибникар“ | ВИДЕО
-
Подољак: Да се усвои единствена одлука за враќање на воено способни мажи во Украина
-
Реакција на осигурителните компании на одлуката да се врати старата цена за авто одговорноста