Совршен натпревар со трипл-дабл на Никола Јокиќ
Никола Јокиќ одигра совршен натпревар во убедливата победа на Денвер над Мемфис (142:105). Само Јокиќ и Вилт Чембрлен одиграле повеќе од еден совршен натпревар во историјата на НБА лигата.
Јокиќ шутираше 11/11 од поле, го погоди својот единствен обид за три поени, а од линијата за слободни фрлања имаше три од три. Најдобриот играч на Денвер не играше во последната четвртина.
Против Мемфис, Јокиќ го забележа 116-ти трипл-дабл во регуларниот дел од сезоната. Тој се наоѓа на четвртото место на вечната листа, Меџик Џонсон е пред него со 22 вакви натпревари повеќе.
Расел Вестбрук е на врвот на листата со 198, а Оскар Робертсон има 181.
Јокиќ го следеа Џамал Мареј со 23 поени и девет асистенции и Пејтон Вотсон со 20 поени и пет скока.
„Никогаш не сум видел трипл-дабл пред да почнам да играм со него, а сега тоа го гледам цело време“, изјави Вотсон, кој доби шанса во стартната петорка наместо повредениот Арон Гордон.
Кентавиус Калдвел-Поуп и Џулијан Стротер постигнаа по 12 поени, додека Кристијан Браун додаде 11.
Реџи Џексон имаше одлична епизода од клупата со девет поени и седум асистенции за 17 минути на паркетот.
Ново на Сител
-
Кина испрати воени авиони кон Тајван откако американскиот државен секретар го напушти Пекинг
-
Мотоциклист излетал од патот и удрил во паркирано возило
-
Милановиќ: Хрватска е дното на ЕУ, Бугарија е единствено полоша
-
Судење на Трамп: Издавач на таблоид призна дека ја „закопал“ приказната за аферата со моделот на Плејбој
-
Гир: Првиот круг од изборите мина генерално мирно и демократски
-
Пронајдено е 76-годишното лице во кавадаречко по кое се трагаше од вчера
-
Во Кочани одбележана 119-годишнината од загинувањето на Никола Карев
-
Сончево со мала до умерена облачност, следува период на релативно топло време