Совети за долготрајност на батеријата кај паметните телефони
Кај штотуку купен, нов паметен телефон, сè работи совршено, но по година – две, батеријата почнува да гасне брзо… Ако ова звучи познато, причината за тоа, најверојатно, е неправилно и неквалитетно полнење.
Така, први за отстранување од секојдневието се евтините полначи. Компанијата „Епл“ (Apple) со години предупредува дека користењето неоригинални полначи може да биде опасно е не само за батеријата туку и за Вашиот живот. Буквално: „Полнењето со несертифицирани адаптери може да претставува ризик од повреда или смрт“, се наведува во упатствата. Затоа, ако не сакате пожар во домот, се користат оригинални и сертифицирани полначи.
Уште поголем проблем е полнењето на батеријата до 100 отсто. Совет: Не ја полнете до крај, препорачува порталот „Индекс“.
Полнењето на батеријата до крај, се вели, го забрзува нејзиното абење и ѝ го намалува капацитетот. Во совршен случај, границата треба да се постави на 95 отсто. „Епл“ го предвиде овој проблем, па поновите „Ајфон“ модели имаат и вградена опција „Оптимизирано полнење на батеријата“ (Optimized Battery Charging). Оваа опција го спречува полнењето над 80 отсто во одредени ситуации, а со тоа го намалува и трошењето на батеријата.
Кај паметните телефони „Ајфон 15“, и поновите, корисникот може да постави ограничување за полнење. И „ИОС“ препорачува оптимален процент, којшто најверојатно ќе биде токму – 95 отсто.
Ново на Сител
-
Трибина за Оперативниот план 2025: Младите да останат во земјава, луѓето во социјален ризик економски да се осамостојат
-
Турските власти издадоа налози за апсење на 47 опозициски функционери, досега приведени 28
-
Отворен нов спортско-рекреативен центар во 11 Октомври – Бараки
-
Утре посебен сообраќаен режим во Скопје поради ревијална трка
-
ОЈО: Градоначалничката како службено лице да ги посочи парцелите за коишто се сомнева дека има незаконитости
-
Трибина во врска со Оперативниот план 2025 „Визија за промена“
-
Станков: Добрата одлука почнува со точна статистичка анализа, затоа е важно користење на официјалните статистички податоци
-
Учениците полагаат државна матура, МОН и ДИЦ им посакаа успех и очекуваат да помине во најдобар ред