Состојбата со поплавите во Албанија и натаму алармантна
Припадници на албанската полиција, армијата и територијалните протвпожарни единици се распоредени на целата територија на Албанија за да им помогнат на жителите погодени од поплавите.
Состојбата со поплавите е најкритична во јужниот дел на земјата, на подрачјето на Саранда, Фуш Круја, Ѓирокастро и Фиер. Во ова подрачје во текот на денот престојуваа албанскиот премиер Еди Рама и министерката за одбрана Олта Џачка, со цел непосредно да се запознаат со состојбата и проблемите.
Поради постојаното зголемување на дотекот на реката Вјоса и опасноста која им се заканува, во тек е евакуација на повеќе од 3.000 жители од четири села во регионот, во што се вклучени и армиски хеликоптери. Евакуираните ќе бидат сместени во Спортскиот дом, на стадионот и во индустриското училиште во Валона.
Стотици луѓе се евакурани и од централниот дел на земјата, каде се поплавени илјадници хектари земјоделски површини, а без електрична енергија се над 70 илјади домаќинства. Поплавени се и со стотици куќи, а најмалку 20 се уништени. Урнати се и најмалку три мостови.
Албанската Влада упати апел до граѓаните строго да ги почитуваат препораките што ги издаваат надлежните органи, бидејќи се очекува зголемување на нивото и на реките Семан и Шкумбин.
Немирното море услови прекин на поморскиот сообраќај и веќе два дена не сообраќаат траектите од албанските кон италјанските пристанишни градови и обратно.
Автопатот Тирана-Драч се уште е блокиран, а од попладнево е нормализран воздушнот сообраќај на аеродромот „Ринаси“ во албанскиот главен град.
Ново на Сител
-
Владата донесе одлука со која цената на осигурувањето од автоодговорност се враќа на ниво од пред 25 април
-
Фитнесот почна како мода но полека стана здрава навика | Стефанија Бубало | Јанг стори | Sitel Podcast 032
-
ДИК донесе заклучок за конечност на резултатите од првиот круг на претседателските избори
-
Бискупот Стојанов упати Велигденска честитка до Архиепископот г.г. Стефан и верниците
-
Пронајдено тело на починат маж во Вардар во Велес
-
Благодатниот оган и оваа година од Ерусалим ќе пристигне во Грција
-
Зеленски: Русија во април употреби 300 ракети, 300 дронови и 3.200 касетни бомби во нападите врз Украина
-
ДСЗИ најави забрана на Клиниката за токсикологија за здравствени работници без договори за вработување