Сослушани сведоци на одбраната во случајот за протестите за ,,Монструм”
Со сослушување на сведоци предложени од одбраната, денеска во Основниот кривичен суд во Скопје продолжи судењето за случувањата од 26 февруари за време на протестите за случајот „Монструм”, против обвинетите Фабион Идризи и Артон Садики.
На прашање на адвокатот Асмир Алисшахиќ, каде биле дента на 26 февруари, првиот сведок рече дека на 26 февруари со Фабион Идризи, биле на петточна молитва и потоа се упатиле кон ЗУ „Мајчин дом“, од причина што Фабио имал скршеница на раката.
– Со моја кола отидовме во „Мајчин дом“, јас управував. За цело време бев со Фабио, внатре влегов и јас. Таму останавме скоро саат и пол. Целта беше заради терапија на раката. Потоа Фабио го однесов дома, од прилика беше 15 часот, изјави сведокот на одбраната.
Свое сведочење денеска имаше и физиотерапевтот од ЗУ „Мајчин дом“, кој потврди дека на 26 февруари Фабио Идризи, бил кај него и останал до кај 14:50 часот.
На следните рочишта, треба да се продолжи со сослушување на сведоци предложени од обвинетите.
Судењето за овој предмет го води судијата Марин Станевски, а како застапник на обвинението е обвинителката Марија Демирова-Панајотова.
На претходните рочишта, три лица беа осудени со по една години затвор за сторено кривично дело учество во насилна толпа, односно едно лице со осум месеци казна затвор. На протестите за случајот ,,Монструм” на 26 февруари беа повредени 11 полициски службеници и еден новинар.
Следните рочишта за овој предмет се закажани за 21 и 28 април.
Ново на Сител
-
Демири: Ако Клиниката за токсикологија не била осигурена, менаџментот треба да преземе одговорност
-
До 30 април на полноќ пријавување на болните и изнемоштените за гласање на изборите на 8 мај
-
Гевгеличанка лажела дека е царински застапник и измамила Грк за 2.000 евра
-
Тошковски: Поддршка до специјалните единици бидејќи тие се првиот столб на заштитата на безбедноста и суверенитетот на државата
-
Пет клучни донатори вложија повеќе од 50 милиони долари во претседателската кампања на Трамп
-
Штипскиот Економски факултет го одбележа денот на македонскиот денар
-
Националното биро за осигурување: Цената на авто осигурувањето е непроменета од 2008 година, реално е покачувањето
-
Се одржа Меѓународниот натпревар за сирени во Шангај | ВИДЕО