Собранието ја почна 97. седница
Собранието на Република Македонија на почетокот на денешната 97. седница ги донесе одлуките за изменување на Одлуката за разрешување и именување претседател и членови на Одборот за доделување на државната награда „Мајка Тереза“ и на Одлуката за разрешување и именување претседател и членови на Одборот за доделување на државната награда „11 Октомври“.
На седницата беше ратификуван Договорот меѓу Република Македонија и Црна Гора за правна помош во граѓански и кривични предмети, кој е склучен во Будва, Црна Гора, во декември 2013 година.
Заменик-министерката за надворешни работи Драгана Кипријановска рече дека со овој Договор двете страни-потписнички се обврзуваат да даваат една на друга правна помош во граѓански предмети кои се однесуваат на семејни, работни, трговски, како и на имотно-правни односи.
Пратениците го ратификуваа и Договорот меѓу Република Македонија и Црна Гора за меѓусебно извршување на судските одлуки во кривичните предмети, кој е склучен исто така во Будва, во декември 2013 година.
Седницата по паузата ќе продолжи со расправа по предложените законски решенија во прво читање.
На дневен ред на седницата, меѓу другите точки, се предлог законите за изменување и дополнување на законите за сигурност во железничкиот систем, за научно - истражувачката дејност, за иновациската дејност, за слободен пристап до информации од јавен карактер, за здруженија и фондации, за спортот, за медијација, сите по скратена постапка.
Ново на Сител
-
Израелската полиција изврши рација во Ал Џезира во Ерусалим, одзеде опрема
-
Костадиновска-Стојчевска: Македонскиот јазик е нашиот национален белег и најважниот симбол на културниот идентитет
-
Косовската полиција уапси 4-ца македонски државјани меѓу кои и кондовецот Агим Красниќи
-
Макрон го повика Нетанјаху успешно да ги заврши преговорите со Хамас
-
Димитровска: ДКСК оформи 45 предмети поврзани со изборите
-
14-годишна малолетничка од Петровец избегала од дома
-
Малолетник пријавен за насилство врз неговата мајка и брат
-
Бројот на загинати во поплавите во Кенија се искачи на 228