Со „Петре и волкот“ Македонската филхармонија гостува во Прилеп и Битола
Македонската филхармонија, денеска и утре, ќе гостува во Прилеп и во Битола, каде што под диригентство на маестро Борјан Цанев ќе се претстави со симфониски концерт наменет за најмладите. Оркестарот ќе настапи во Центарот за култура „Марко Цепенков“ во Прилеп, односно утре во Центарот за култура во Битола, кога со почеток во 18 часот ќе ја изведе популарната оркестарска свита „Петре и волкот“.
„Петре и волкот“ е едно од најпознатите дела на рускиот композитор Сергеј Прокофјев и е неизоставен дел од репертоарот на сите симфониски оркестри, особено во театрите за деца. Свитата е напишана за наратор и оркестар, чии поединечни инструменти или групи на инструменти ги претставуваат ликовите во приказната. На тој начин, младите слушатели се запознаваат со составот на оркестарот.
И овој пат наратор е миленикот на детската публика, актерот Мартин Јорданоски, кој ќе ги води децата низ авантурите на Петре.
Гостувањето на Македонската филхармонија во Битоле и Прилеп е дел од мисијата на оваа институција да влијае врз музичката едукација на младите и во другите градови во Македонија. Со претставата „Петре и волкот“, Македонската филхармонија неодамна гостуваше во Струга и во Гевгелија, каде настапи пред преполни сали, а концертите беа проследени со овации.
Ново на Сител
-
Вреди: Не треба да се отвораат старите рани
-
Победа над Фарски Острови - македонските ракометари се пласираа на Светско
-
Пендаровски се заблагодари на граѓаните за укажаната доверба
-
ЦУК: Спасени две лица кои со „квадрицикл“ излетале во провалија на Шара
-
Приштина: Притвор од 30 дена за државјанин на Србија вмешан во ланските немири во северно Косово
-
ЕУ потсетува на важноста од целосно почитување на Договорот од Преспа
-
Мишел и Фон дер Лајен со честитки во Сиљановска Давкова: Очекуваме соработка на европскиот пат на земјата
-
Алексеј Навални постхумно ќе ја добие наградата за мир во Дрезден