Снег во Маврово, за празниците престои убаво време

Снежна покривка до изутрина (во см.): 3 Маврово.

Врнежи за изминатите 24 часа (во л/м 2 ): 1 Скопје-Петровец, Претор, Штип, 2 Охрид, Ѓуриште, 3 Виница, Дебар, Струмица, Гевгелија, Скопје, 4 Куманово, 5 Берово, 6 Дојран, Кр. Паланка, 7 Пожаране, 9 Лазарополе, 11 Тетово, 12 Маврово, 13 Крушево.

Времето денес (29.12 2017 год.): Променливо облачно, во западните и северните делови со повремени врнежи од дожд, а на планините со повремен снег. Од пладне врнежите ќе се преместуваат кон исток. Попладне слаб снег ќе провејува и на повисоките места, особено на север. Ќе дува слаб променлив ветер, а попладне повремено умерен од северен правец.

Максималната температура ќе биде во интервал од 4 до 12 степени.

Во Скопје температура до 9 °C.

За време на викендот, како и за време на Новогодишната ноќ времето ќе биде стабилно и суво. Утре ќе дува слаб до умерен, а вдолж Повардарието повремено засилен северозападен ветер. Во недела и понеделник ветерот ќе биде слаб и ќе се менува кон јужен.

Од понеделник попладне облачноста ќе се зголемува, а во вторник ќе има повремени врнежи од дожд, на повисоките планини од снег.