Словенечката пратеничка Ирена Јовева во ЕП до бугарските колеги: За да постои, на македонскиот народ не му треба ваша дозвола!

Извештајот за напредокот на Македонија, изготвен од европратеникот Томас Вајц, беше разгледан синоќа на пленарната седница во Стразбур. Во дебатата учествуваа бројни европратеници, меѓу кои и самиот Вајц, како и повеќе претставници од Бугарија.

Особено внимание предизвика словенечката европратеничка Ирена Јовева, која се обрати на македонски јазик. Таа директно им се обрати на бугарските европратеници со зборовите:

„За да постои македонскиот народ, не му треба ваша дозвола. Но, за да го признаете тоа, вам ви треба чесност, интегритет и храброст. Знам.“