Скопје домаќин на Генералното собрание на патните транспортни асоцијации од Црноморскиот Регион
СИЗ Македонија сообраќај АМЕРИТ денеска е домаќин на Генералното собрание на Унијата на патни транспортни асоцијации од Црноморскиот Регион – BSEC-URTA.
На 36-тата средба на Генералното собрание на BSEC-URTA ќе присуствуваат претседателите на асоцијациите за патен транспорт од нашата држава, Турција, Молдавија, Романија, Грција, Србија, Албанија, Бугарија и од Украина. Најавено е присуство на министерот за транспорт и врски Горан Сугарески, директорите на Царинската управа, Ѓоко Танасоски, и на Државниот инспекторат за транспорт, Руфат Хусеини, како и управителот на СИЗ Македонија сообраќај АМЕРИТ, Лефтер Андонов.
BSEC-URTA е Унија на патни транспортни асоцијации од Црноморскиот Регион, во која учествуваат и земјите од регионот. СИЗ Македонија сообраќај АМЕРИТ е полноправен член на оваа организација и активно учествува во сите нејзини активности. Темите на кои ќе се дискутира се од огромен интерес за македонските транспортери и донесените одлуки значително ќе ја олеснат нивната дејност. Оваа организација има поддршка и од Меѓународната унија за патен транспорт – ИРУ и најавено е присуството на генералниот секретар Умберто де Прето, најавуваат од АМЕРИТ.
Ново на Сител
-
Хоспитализирани четири лица со голема кашлица, нови 27 случаи
-
Продолжува кампањата за претседателски и парламентарни избори на 8 мај
-
Свечена промоција на нови полициски службеници во Идризово
-
Во понеделник ќе се знае дали ќе поскапи полисата за задолжителното авто осигурување
-
Кикбоксерот Бобан Илиоски светски првак во ВАКО ПРО
-
Киев: Русија ја нападна енергетската инфраструктура во три украински региони
-
Десетици торнада го погодија централниот дел на САД
-
Денеска е Лазарова сабота, утре Цветници - празници предвесници на Велигден