Скопје домаќин на ЕП за кадетки

Градот Скопје и Македонија од денеска до 23.август ќе бидат домаќини на Европското првенство во ракомет за кадетки (ракометарки до 17 години). Вкупно 16 репрезентации ќе играат на шампионатот, а натпреварите ќе се играат во СЦ „Јане Сандански“ и во СЦ „Борис Трајковски“.

Репрезентацијата на Македонија се наоѓа во групата А, заедно со Шведска, Словенија и со Чешка.

Б група: Русија, Романија, Германија и Шпанија.

Ц група: Португалија, Хрватска, Холандија и Франција.

Д група: Данска, Норвешка, Унгарија и Словачка.

Македонија натпреварите од групата ќе ги игра во СЦ „Јане Сандански“. Во рамките на првото коло Македонија вечерва ќе игра против Шведска. Почетокот на дуелот е во 19 часот.