„Скаменет сон“ - нова стихозбирка на Стојан Тарапуза
„Скаменет сон“ е насловена новата поетска книга на Стојан Тарапуза, која во едицијата „Синтези“ ја објави Здружението за уметност и култура на живеење „Дијалог“ од Скопје. Тарапуза, кој е познат пред се како автор за деца, во оваа стихозбирка има 60 песни за возрасни.
- Тие се поделени во три циклуси, кои својот заеднички именител го имаат во мисловните сондажи нијансирани со префинети лирски рефлекси, соопшти „Дијалог“.
Покрај „Скаменет сон“, Тарапуза е автор на уште две книги за возрасни („Црвено растење“ од 1961 и „Во каменот ден“ од 1965), како и на неколку десетици книги за деца, меѓу кои: „Грејни сонце“, „Полно кајче желби“, „Дамбара думбара“, „Цвет и злато“, „Очиња поточиња“, „Деновирки“, „Седум брода“ и „Облак се поти“.
Тарапуза е добитник на повеќе признанија, меѓу кои: наградата „Ванчо Николески“ на Друштвото на писателите на Македонија за најдобра книга за деца, „Книжевно жезло“ за литературен опус, Змајевата награда, како и наградата на Радио-телевизија Скопје што се доделуваше на Струшките вечери на поезијата. Во 2011 година беа објавени избрани дела на Стојан Тарапуза во три тома.
Ново на Сител
-
Стандардот, лошото здравство и образование и партизација, основни причини за иселувањето
-
Тема на денот со Елмедин Конаковиќ, Министер за надворешни работи на БиХ
-
Да се симнат табуата и мажите почесто да прават лекарски прегледи
-
До утре комплетен список на министрите на Владата на Мицкоски
-
Тивок бојкот во СДСМ
-
Ќе плаќаме ли поскапа струја од 1 јули?
-
Зголемен обем на работа во ГОБ 8 септември поради хаосот со салите на Клинички, а кадарот масовно си заминува
-
Спасителите на вода неопходност за безбедни капалишта