Сите американски министерства добија наредба да ги отстранат производите „Касперски“ од компјутерите
Администрацијата на американскиот претседател Доналд Трамп им нареди на државните институции да ги отстранат софтверските производи на „Лабораторија Касперски" од своите компјутерски системи, бидејќи се стравува дека оваа фирма со седиште во Москва би можела да е под влијание на Кремљ.
Министерството за внатрешна безбедност издаде директива кон другите оддели да направат попис на сите производи на „Касперски" во своите компјутерски системи во рок од 30 дена, да изработат планови за да ги отстранат во период до 60 дена и да престанат во целост да ги користат за 90 дена.
- Министерството е загрижено поради врските меѓу некои вработени во „Касперски“ и руското разузнавање и други владини агенции, како и можноста која ја дозволува руското законодавство да замолат или да побараат соработка од „Касперски“ и да ги прекинат комуникациите кои транзитно минуваат низ руски мрежи, се наведува во соопштението на американското Министерство за внатрешна безбедност.
Фирмата „Лабораторија Касперски“ повеќепати негираше дека е поврзана со која и да е влада, тврдејќи дека нема намера да помога на која и да е администрација да врши кибер шпионажа.
Ново на Сител
-
МВР: Кривична пријава против поранешен градоначалник на скопска општина
-
Што и како помага психотерапијата | Елена Џебр | Личен развој | Sitel Podcast 031
-
Повреден малолетник, истепан со дрвени и метални предмети од други малолетници
-
Кривична против тројца скопјани за „убиство во обид“ и „соизвршителство“
-
54-годишна скопјанка пронајдена почината
-
ДИК не го прифати приговорот за гласањето во Липково
-
Рендевски и Алексовски автори на поглавје во книгата „Двете страни глутаматот“
-
Пронајдена граната во близина на камп во Гевгелија