Симовски: Двата натпревара беа неверојатни, за среќа ние победивме

Македонската репрезентација стигна до посакуваните две победи на Полска (3:2 вчера и 3:1 денеска) и сега по вечерашната победа на Словенија над Грција со 3:1 во сетови за пласман на завршниот турнир потребна е уште една победа на Словенија над Грција. Со овој триумф Словенија веќе го потврди првото место на завршниот турнир.

По дуелот со Полска Јовица Симовски изјави:

- Двата натпревара беа неверојатни. Со многу блокови, добра одбрана и добри напади и гледачите имаа убава можност да проследат убава игра во која за среќа ние двапати победивме. Ние нашата работа ја завршивме и сега ќе ги чекаме другите резултати.

Селекторот Жарко Ристоски истакна:

- Ние го повторивме резултатот од ланската сезона во Европската лига што беше наша цел и сега ќе чекаме резултат од натпреварот Словенија - Грција (Словенија победи на првиот дуел). Очекувавме Полска да одигра подобро од вчера, но останавме фокусирани и го одигравме тоа што го подготвивме.

Словенија ја победи Грција со 3:1 во сетови ( 25:13, 26:24, 18:25, 25:23). Иако Грција водеше со 23:21 во четвртиот сет.

Табела А група:

1. Естонија 10-0 (победи -порази) 29 бодови,

2. Македонија 7-3 21

3. Полска 6-4 16

4. Данска 3-6 7

5. Австрија 2-7 10

6. Израел 1-9 4

Табела Б група:

1. Словенија 9-0 26

2. Грција 7-2 20

3. Турција 5-4 13