Си го отплатил долгот кон лихварот, но тој сакал уште повеќе пари - кривична пријава заработи охриѓанец

Секторот за внатрешни работи Охрид поднесе кривична пријава против Љ.Д. (27) од Охрид за сторено кривично дело “изнуда“. Во текот на декември 2016 година пријавениот му позајмил 400 евра на Н.А.(40) од Охрид, кој како залог му дал ловна пушка и хармоника. По околу два месеци, Н.А. му вратил 400 евра на пријавениот, како и дополнителни 10.000 денари, но пријавениот на истиот, му побарал дополнителни 400 евра за да му го врати залогот.