Штајнмаер: Европа пред можеби најсериозната закана за мирот
Шефот на германската дипломатија Франк Валтер Штајнмаер изјави дека Европа се наоѓа пред можеби најсериозната закана за мирот и безбедноста од завршувањето на Студената војна.
Германија од 1 јануари го презеде претседавањето со ОБСЕ, а Штајнмаер во интервју за хрватската агенција Хина укажува дека состојбата во Украина, повторното воспоставување на безбедноста и враќањето на загубената доверба во Европа, како и човековите праава, се приоритет на германското претседавање со оваа организација.
Според него развојот на настаните во Украина од 2014 година покажува колку ОБСЕ е наопходна за Европа.
- Без посебна набљудувачка мисија не би напредувале толку во деескалацијата и повлекувањето на вооружувањето и сега мораме брзо да донесеме одлука за продолжување на мандатот и за трошоците на мисијата со цел набљудувачите да можат и натаму да ја работат својата важна работа, рече Штајнмаер.
Тој нагласи дека општопознато мислење е дека каков бил успех во рамки на мировниот процес од Минск „не би бил замислив без ОБСЕ“, што организацијата ја врати назад на сцената на меѓународната политика.
- Уште сега можеме да кажеме дека досегашниот мандат на мисијата се покажал како добар, изјави министерот и потсети на нерешените европски судири во Придњестровието, Нагорно Карабах и јужен Кавказ.
- Искрено кажано не сакам да се помирам со тоа дека тие судири, со одреден фатализам се нарекуваат замрзнати. Секоја година луѓето патат, бидејќи развојот во погодените региони стагнира. Со мали, но со конкретни чекори сакаме да го стабилизраме примирјето, рече шефот на германската дипломатија, додавајќи дека за повторното воспоставување безбедност на континентот клучно е да се врати довербата во самата Европа.
- Многу доверба е загубена во Европа изминатите години. Повторната изградба на таа доверба е тешка, но таа нема алтернатива, порача Штајнмаер.
Ново на Сител
-
ОН: Јуни годинава е месец со најмногу цивилни жртви од почетокот на војната во Украина
-
МНРиНТ со осуда на изјавите на Георгиев, во Министерството повикан на разговор бугарскиот амбасадор Радуков
-
Прогласена елементарна непогода во пет градови и 11 општини во Србија поради пожари
-
Нова дигитална услуга на МВР: Уверение за жителство за моментална адреса на живеење
-
Уапсени две лица од Куманово, палеле кабли на дива депонија
-
Притвор за сопственикот на отпадот по нападот врз новинари
-
Мицкоски: Го зачувавме статусот на Охридското Езеро, ќе се урнат дивоградбите
-
Мицкоски за изјавата на бугарскиот министер Георгиев: Тоа е како кога глушецот го задева лавот