Шпански научници: Лек против рак успешно лекува заболени од коронавирус

Шпанската фармацевтска компанија „ФармаМар“ соопшти дека клиничкото испитување на лекот против рак „аплидин“ за лекување на возрасни пациенти со Ковид-19 било успешно и дека сега има намера да ја започне третата фаза од испитувањето на лекот.

Компанијата изјави дека има значително намалување на вирусните инфекции и оптоварувањето на Ц-реактивниот протеин (ЦРП) кај пациентите и дека 80,7 проценти од пациентите се отпуштени пред 15-тиот ден од хоспитализацијата, а 38,2% пред осмиот ден, објави „Ројтерс“.

Со овие податоци, компанијата ќе започне разговори со регулаторните агенции за дефинирање на следната клучна студија на третата фаза за „плитидепсин“ (аплидин) кај пациенти со Ковид-19 на кои им е потребна хоспитализација, се вели во соопштението на „ФармаМар“.

Во меѓувреме, Шпанската агенција за лекови и здравствени производи и даде зелено светло на компанијата да го зголеми бројот на пациенти третирани со „аплидин“ во болниците, според резултатите добиени од првата група на пациенти.

„Аплидинот“ е одобрен во Австралија за третман на мултипен миелом.