Шпански националисти ја нападнаа главната џамија во Гранада
Главната џамија во Гранада вчера беше нападната од група крајнодесничарски млади луѓе, кои фрлаа димни бомби и скандираа ксенофобични и антиисламски слогани, соопштија шпанските медиуми, пренесува БТА.
Во тој момент во храмот имало неколку стотици луѓе.
„Оној кој ја финансирал оваа џамија, финансирал тероризам. Зошто властите молчат?" - беше напишано на знаме, што го носеле младите.
Полицијата пристигна 15 минути по почетокот на акцијата и демонстрантите се разбегаа. Натписи со закани против муслимани се појавија на фасадите на џамиите во Логронио (автономна област Риоха), во каталонскиот град Монтбланк и во Севиља (автономна област Андалузија).
Во меѓувреме, шпанските муслимани организираат акции за оддавање почит на жртвите на нападите. Вчера стотици се собраа во Пуерта дел Сол во Мадрид. Слични настани беа организирани и во други градови.
Шпанската исламска комисија го осуди насилството веднаш по нападите. Околу сто муслимански општини во Каталонија, за денеска во Барселона, планираат голема манифестација против тероризмот.
Ново на Сител
-
Манчестер Сити четврти пат по ред шампион на Англија
-
За личниот живот и 30 годишната кариера со Суперхикс | Петар Младеновски | Sitel Podcast 038
-
Се урна хеликоптерот во кој патуваше претседателот на Иран
-
Велешанец собирал печурки, во коленото му влегол проектил од огнено оружје
-
Пронајдени мигранти од Ирак и Турција
-
Возач и сопатничка повредени во сообраќајка на експресниот пат Штип-Радовиш
-
Мицотакис ја повикува Силјановска Давкова да избегне „слични незаконски и провокативни“ постапки
-
Стабилна состојба на работникот, кој се здоби со тешки повреди во лифт во штипски угостителски објект