„Шлаканица“ од претседателот Мета за Рама и за Баша: Во опасност интеграцијата на земјата во ЕУ
Албанскиот претседател Илир Мета ги критикуваше премиерот и опозицијата за екстремните ставови во врска со решавањето на кризата во која со месеци се наоѓа земјата.
Самозадоволството на политичките лидери, според шефот на државата, ги затвора шансите на Албанија за започнување преговори и е закана за институционалната демократија.
-Имагинарните „победи“ на (Еди) Рама и (Љуљзим) Баша станаа вистинска закана за иднината на земјата, предупредува Мета, преку статус на Фејсбук, со што покажува дека и премиерот и лидерот на опозицијата се уште не се убедени да седнат на заедничка маса за да се стави крај на политичката криза.
Тој додаде дека жртви на овие „победи“ се сите албански граѓани, независно од политичките разлики.
-Мислам на „вистинската“ победа на актуелното мнозинство, кое на неговите еднострани и нелегални избори прогласи победа во 100 отсто од албанските општини. Но и ентузијазмот на опозициските лидери дека тие освоиле 85 отсто е импресивен, заборавајќи дека ќе беше доволно да има, не повеќе од 1/4 од 85 отсто за да постигне реална и институционална победа во огромното мнозинство на единиците на локалната самоуправа, оценува Мета.
Ваквите „победи“, според шефот на државата, не само што ја затвораат вратата на 18 октомври на одлуката за преговори на Албанија со ЕУ, туку може да има и потешки последици врз демократските институции.
И покрај повторените апели за решавање на кризата, од премиерот Рама се уште нема одговор на апелот на Претседателот, додека опозицскиот лидер Љуљзим Баша одбива да седне на маса со премиерот Еди Рама.
Ново на Сител
-
Тема на денот со Дарко Костадиновски, претседател на Уставен суд
-
Преглед на вестите од светот
-
Утре ќе биде познато колкумина ќе гони Обвинителството за пожарот во Кочани
-
Над 100 од повредените во Кочани ја контактирале Владата – доставиле предлози и барања за нивниот процес на опоравување
-
Нема да има средба Силјановска - Радев во Хаг, но дали претседателката ќе се сретне со бугарскиот премиер
-
Пропадна обидот за воведување една изборна единица
-
Јанев: Коруптивните дејствија во полицијата и институциите ќе се пријавуваат онлајн
-
Невладиниот сектор нотира: Пратениците носат закони по скратена постапка за да се задоволат апетитите на политичките гарнитури