Шкодране Дардишта директорка на Клинички од ДУИ се закани со војна: Не играјте со оган, на крај сами ќе изгорите во него

Шкодране Дардишта директорката на заеднички служби во Клиничкиот центар во Скопје и актуелен член на Управниот одбор на Македонски телеком од ДУИ, на својот Фејсбук-профил, очигледно незадоволна од развојот на настаните на политичката сцена во Македонија отворено се закани со војна.

„Сѐ уште ги имаме чизмите на таван во старата куќа, за час ги вадиме белите патики. Ние не сме сираци, ние сме никнале после војна. Не играјте со оган, затоа што на крај сами ќе изгорите во него.“

Пратеникот на Левица, Борислав Крмов, по објавата на Дардишта реагираше на својот Фејсбук-профил.

„Шкодране Дардишта кадар на ДУИ се заканува со војна ако на нејзината партија не ѝ се дозволи да продолжи да ја силува државата! Ама ова во нашиот политички дискурс е потполно легитимно за разлика од фашизмот и нацизмот на Левица нели!?“ - напиша Крмов.