Северна Кореја потврди: Лансиравме ракета, ќе има уште
Северна Кореја потврди дека вчера лансираше ракета која ја прелетала Јапонија и ги погодила водите во Тихиот Океан, како што било и планирано.
Ракетата „Хвасонг-12“ со среден дострел, чие лансирање го надгледувал севернокорејскиот лидер Ким Џонг-ун, го „пресече небото над островот Хокаидо и `ртот Еримо долж однапред одредена траекторија на летот и точно ги погоди водите во северниот Тихи Океан, извести севернокорејската новинска агенција КЦНА.
„Вежбата не влијаеше на безбедноста на соседните земји“, пренесува КЦНА, додавајќи дека севернокорејскиот лидер изразил „големо задоволство“.
- Ќе има уште лансирања на балистички ракети во кои Тихиот Океан ќе биде цел и во иднина, рекол Ким.
Ким Џонг-ун ја оквалификува ракетната проба како прв чекор во подготовките за воена операција предводена од Корејската народна војска во Тихиот Океан и вовед во запирањето на Гуам, што тој го опиша како истурена база за инвазија, објави ТАСС.
„Датумот на лансирање на ракетата намерно е одбран 29 август, во знак на одбележување на 107-годишнината од договорот меѓу Јапонија и Кореја од 1910 година, со кој Токио го колонизираше Корејскиот полуостров“, наведе КЦНА.
Според јужнокорејската војска, ракетата е истрелана од регион во близина на Пјонгјанг околу шест часот по локално време, летала околу 2.700 километри и достигнала висина од 550 километри.
Лансирањето на ракетата предизвика голема загриженост кај соседните земји, но и кој поголемиот дел од меѓународната заедница.
Ново на Сител
-
Манолева: Договорени се алтернативнин решенија за хируршките сали
-
ЦУК: Нестабилност со пороен дожд и грмежи подолго време се задржува околу Кавадарци, Неготинио и Демир Капија
-
Димитровска: По верификација на мандатот именуваните и избраните лица треба да се откажат од сите претходни функции
-
Кое е вашето емотивно наследство? | Марина Анчевска | Личен развој | Sitel Podcast 040
-
Македонските кикбоксери од Балканско со 9 златни, 12 сребрени и 11 бронзени медали
-
Најтопло во Велес, Гевгелија, Кавадарци - 34 степени, до крајот на денот локална појава на пороен дожд и грмежи
-
Пред Ајфеловата кула оставени ковчези оставени со натпис – француски војници од Украина, приведени три лица
-
Повеќе загинати и повредени во пожар во руска нафтена рафинерија