Северна Кореја објави дека успешно тестирала интерконтинентална балистичка ракета
Северна Кореја објави дека денеска извршила успешен тест на интерконтинентална балистичка ракета.
Според првичните оценки на Командата на американски сили во Тихиот Океан, Северна Кореја тестирала балистичка ракета со среден дострел,
Командата соопшти дека ракетата била забележана 37 минути пред да падне во Јапонско Море, при што прелетала 930 километри.
Според експертите, ракетата може да стигне до Алјаска, но другите 49 американски држави, вклучително и Хаваи се вон дострелот.
На ракетното тестирање реагираше претседателот на Јужна Кореја, Мун Џе-ин.
- Длабоко сум разочаран од ракетната проба, извршена неколку денови откако со американскиот колега Доналд Трамп апелиравме за воздржаност на Северна Кореја, истакна Мун на почетокот на вонредната седница на јужнокорејскиот Совет за национална безбедност.
- Дали тој може да направи нешто подобро, напиша Трамп на Твитер алдурајќи на севернокорејскиот лидер Ким Џонг-ун.
Јапонското Министерство за одбрана соопшти дека севернокорејската балистичка ракета со среден дострел „во голема мера“ надминала висина од 2.500 километри.
Јапонскиот премиер Шинѕо Абе истакна дека новото ракетно тестирање на Северна Кореја е закана која се повеќе расте.
Тој додаде дека Пјонгјанг не се осврнува на предупредувањата од меѓународната заедница и ги повика Кина и Русија да играат поконструктивна улога за севернокорејското прашање.
Трамп во вториот Твит објавен часа откако Северна Кореја ја лансира новата балистичка ракета објави дека е „тешко да се верува дека Јужна Кореја и Јапонија ова уште долго ќе го трпат“.
- Можеби Кина ќе преземе сериозни чекори кон Северна Кореја и ќе заврши со овие глупости еднаш за секогаш, напиша Трамп на Твитер.
Белата куќа се уште официјално не реагираше на ракетната проба на Пјонгјанг.
Ново на Сител
-
Вреди: Не треба да се отвораат старите рани
-
Победа над Фарски Острови - македонските ракометари се пласираа на Светско
-
Пендаровски се заблагодари на граѓаните за укажаната доверба
-
ЦУК: Спасени две лица кои со „квадрицикл“ излетале во провалија на Шара
-
Приштина: Притвор од 30 дена за државјанин на Србија вмешан во ланските немири во северно Косово
-
ЕУ потсетува на важноста од целосно почитување на Договорот од Преспа
-
Мишел и Фон дер Лајен со честитки во Сиљановска Давкова: Очекуваме соработка на европскиот пат на земјата
-
Алексеј Навални постхумно ќе ја добие наградата за мир во Дрезден