-->
-->
СЕХА: Вардар како број 1 влегува на Ф4 турнирот
-->
Европскиот и македонски првак и бранител на титулата во СЕХА лигата Вардар со победата постигната синоќа во Загреб над хрватскиот првак ППД Загреб го потврди првото место на табелата и како број 1 ќе настапи на завршниот турнир Ф4. На завршниот турнир ќе настапат четирите првопласирани екипи, а само Вардар е со сигурен пласман.
Во натпревар со неизвесна завршница Вардар поведе со 25:24 со голот на Игор Карачиќ на 10-тина секунди пред крајот. Во последниот напад голманот на Вардар Страхиња Милиќ го одбрани последниот удар на противничкиот тим за нова победа на „црвено-црните“. Воедно Вардар и по 15 коло е без пораз во ова натпреварување.
Инаку во поголемиот дел од натпреварот хрвцатскиот шампион имаше водство.
Најефикасни кај Вардар беа Карачиќ и Тимур Дибиров со по 5 голови, додека Милиќ имаше 12 одбрани.
Вториот македонски тим во СЕХА лигата Металург вчера загуби на гостувањето кај Горење со 37:25.
До крајот на регуларниот дел остануваат да се одиграат уште три кола.
Од 15.коло денеска се играат дуелите: Татран Прешов - Нексе и Цеље - Динамо Панчево.
Табела: Вардар 43 бодови, Загреб 31, Мешков Брест 31, Цеље 26, Горење 24, Татран П.17, Металург 16, Нексе 8, Динамо Панчево 8, Војводина 6.
-->
-->
-->
Ново на Сител
-
Гир: Првиот круг од изборите мина генерално мирно и демократски
-
Пронајдено е 76-годишното лице во кавадаречко по кое се трагаше од вчера
-
Во Кочани одбележана 119-годишнината од загинувањето на Никола Карев
-
Сончево со мала до умерена облачност, следува период на релативно топло време
-
Саливан: САД засега немаат системи за противвоздушна одбрана „Патриот“ кои би можеле да ги испратат во Украина
-
Земјотрес со јачина од 6,9 степени по Рихтеровата скала го погоди југозападниот дел на Јапонија
-
Промовирана новата генерација полициски службеници
-
Претрес во Штип, пронајдена дрога