СЕХА: Вардар го пречекува Татран Прешов

Македонскиот ракометен шампион Вардар по вчерашниот дуел од Лигата на шампионите утре го очекува нов натпревар, но во СЕХА лигата против словачкиот првак Татран Прешов. Двата тима во ова натпреварување имаат по три победи и се во групата екипи со 9 бодови.

На денешниот прес тренерот на „црвено-црните“ Раул Гонзалез изјави:

- Вчера имавме тежок натпревар. Татран Прешов е добра екипа и ние ги почитуваме сите екипи. Со победа ќе бидеме први во СЕХА лигата, како што сме и во групата од Лигата на шампионите. На вечерашниот тренинг ќе ја знам состојбата со тимот и по тренингот ќе решам со кој состав ќе игра Вардар утре.

За голамнот Страхиња Милиќ, ваквиот ритам на натпревари во мовој момент е и добредојден.

- Ова се натпревари на кои се воигруваме. Ривалот е за респект, а со максимална мотивација резултатот треба да биде на наша страна.

Дуелот Вардар – Татран Прешов се игра утре во СЦ „Јане Сандански“ со почеток во 18:30 часот.

Двете екипи по три одиграни натпревари имаат по три победи.