Седум повредени во судар на две возила на автопатот Гостивар-Тетово
Седум лица се повредени во сообраќајна незгода што се случи на автопатот Гостивар-Тетово во близна на надвозникот за село Градец, информираат од СВР Тетово. Повредените се згрижени во Гостиварската болница, а повеќето по укажаната помош ќе бидат пуштени дома.
Во сообраќајката учествувале „поло“ кое го управувала П.Ф. (43) од Гостивар и „цитроен“ управуван од М.Т. (40) од Скопје.
Според првичните сознанија од увдидот кој е во тек, жената која го управувала „полото“ се обидела да избегне автомобил кој на автопатот стоел заради дефект и нагло закочила. При тоа „цитроенот“ кој се движел зад „полото“ со голема брзина го удрил во задниот дел.
Во судирот повредени се возачот и тројца сопатници во „полото“, како и возачот и двајца сопатници во „ситроенот“. Според извори од Гостиварската болница, ниту еден од повредените не е во животна опасност.
Во моментов додека трае увидот, нема прекин на сообраќајот, но се обезбедува местото на настанот.
Ново на Сител
-
Дивац опериран по сообраќајна несреќа во Црна Гора
-
Мбапе пуштен од болницата во Мајами
-
Истрага против две лица за тешката сообраќајна несреќа во Охрид
-
САД распоредуваат трет носач на авиони поблиску до конфликтот на Блискиот Исток
-
„Амазон“ ќе произведува 10.000 самоуправувачки „роботакси“ - возила годишно
-
Дисциплинската комисија на ЈОРСМ утврдила крупни грешки кај шефот на Вишото јавно обвинителство
-
На граничните премини Богородица и Табановце од македонска страна се чека до половина час
-
УНХЦР се подготвува за голем бран бегалци од Иран