Се зголемува бројот на жртви во несреќата кај Ниш
Пет лица загинаа, а повеќе од 26 се повредени во денешниот судар на воз и автобус на обележан премин преку пруга, но без рампа, во близина на Ниш.
Директорот на Клиничкиот центар во Ниш Зоран Радовановиќ потврди дека на лице место загинале двајца возрасни и едно дете. Уште две лица починале во Клиничкиот центар во Ниш.
Автобусот, кој превезувал деца во средно училиште, од јачината на ударот се преполовил. Сите повредени биле во автобусот, а никој од десетмината патници во возот не е повреден.
Директорот на Ургентниот центар КЦ Ниш Миодраг Лазиќ рече дека за 15 минути примиле 30 повредени, од кои 10 до 12 се во животна опасност. Меѓу тешко повредените има десетина деца, додаде тој.
Несреќата се случила кога патнички воз, кој во 7:14 часот тргнал од железничката станица Ниш кон Прокупље, при излез од железничката станица Меѓурово удрил во патнички автобус.
Ново на Сител
-
Апасиев: Очекуваме двоцифрен број на пратеници
-
Таравари: Ни треба нов Устав на две заедници
-
Ахмети: Уште поголема победа
-
Ковачевски: Масовна излезност на 8 мај
-
Мицкоски: СДСМ спрема црни сценарија
-
Тема на денот со Неда Малеска Сачмароска
-
Тинекс отвора уште неколку нови маркети, денеска отворен маркетот во О. Илинден
-
Во понеделник се враќа старата цена за осигурување на возилата