Се уредува индустриската зона во Јосифово

Општина Валандово ги почна активностите од првата фаза за инфраструктурно уредување на индустриската зона кај селото Јосифово.

Надлежните општински служби информираа дека во оваа прва фаза предвидено е инсталирање на фекална и атмосферска канализација, како и тампонирање на сите улици низ индустриската зона.

Втората фаза, посочија од општината, опфаќа инсталирање на водоводна мрежа, поставување на улично осветлување и асфалтирање на сите улици во индустриската зона „Јосифово“.

Зоната комплетно треба да биде уредена до крајот на оваа година и ќе ја чини општина Валандово 5,5 милиони денари, што ќе бидат обезбедени од сопствениот буџет